San Gennaro ha fatto ‘o miràculo!

 

 

 

San Gennaro ha fatto ‘o ssuojo, mo me pozzo arrepusà,

mo me sento cchiù tranquillo, quassì cosa aggi’ affruntà;

 

quatto passe ‘int’ô bburdello, mo me pozzo arrecrià.

‘Nu curteo ‘e dissuccupate? E va bbuò facit’ ‘e ffà!

 

Tutt’ ‘o traffico bloccato? Ma che vv’arraggiate a ffà?

Si mo chiove e vv’allagate? N’arremiedio nce starrà!

 

San Gennaro nce ha penzato, mo sî ttu ca t’ hê arrangià!

 

Gianna Caiazzo

19 settembre 2mila8

San Gennaro ha fatto ‘o miràculo!ultima modifica: 2009-08-20T13:45:00+00:00da dilloallautrice
Reposta per primo quest’articolo