‘Na tartaruca. Songo ‘na tartaruca!
Me ‘ntronano ‘int’ê rrecchie ‘sti pparole.
Ma nun putevo nascere farfalla?
Vulesse svulazzà ‘na vota sola!
Marò, che sto’ ddicenno, ‘na farfalla?
‘Stu desiderio me pare ‘nu peccato.
So’ nnata tartaruca e mme lamento?
Nunn ’o ddicite, ‘o ssaccio, aggio sbagliato.
Nun tengo ‘e scelle e mme ne vaco a ppede,
e troppo spisso me lagno ca so’ mmoscia,
ma po ce penzo ‘a coppa e mm’ addimanno:
c’hadda fà ‘o verme ca nun tene ‘e ccosce?
Perciò, scusate si so’ stata ‘ngrata;
faccio male penziere e mme ne pento;
Ognuno nasce comm’è ddestinato:
so’ nnata tartaruca e sso’ ccuntenta.
Gianna Caiazzo
10 novembre 2mila10
Diversità e disabilità: valore e risorsa.
(Troppa abbundanza ‘ncopp’a cchella via)
S’è sfrantummata dint’a ‘nu minuto,
migliare d’anne dint’a ‘nu muntone,
‘nu ‘nquaraquacchio e ppo tutt’’è ffernuto
cu ‘na ‘ncasata d’acqua e quacche ttruono.
Manco ‘o Vesuvio nce ha pututo, allora:
culate ‘e lava, terramote e ffuoco;
‘a strafuttenza è stata peggio ancora,
chella ll’ha sfravecata a ppoco a ppoco.
Mo jesce ‘o masto ‘o stròloco e ‘o duttore,
se stùriano ‘a mappata ‘e prete ‘nterra,
ognuno corre a ss’alliscià ‘o tesoro.
Doppo arrubbato miette ‘e pporte ‘e fierro.
Gianna Caiazzo
10 novembre 2mila10
“Pecchè si ‘a luna ‘ncielo è accussì bbella,
‘ncopp’a ‘sta terra nce sta paura e mmorte?”
Quattuordice anne, tanno, chella notte,
e ‘stu penziero, ca mo è ‘nu ricordo.
Era nuvembre, e ‘o cielo era ‘na gnòstra
migliare ‘e stelle e cchella luna, janca.
Janche erano ‘e ffacce ‘e chella ggente
ca s’astrigneva e ca tremmava forte.
Era nuvembre, e ‘na serata doce,
‘a luna, chella luna, e chi s’’a scorda!
E ‘nluntananza ‘nu chiarore ‘e fuoco,
tinta marvaggia, cuperta ‘e distruzione.
‘O viento s’aizaje a ppoco a ppoco,
purtanno ‘nu lamiento ‘e cumpassione.
Gianna Caiazzo
22 novembre 2mila10
Per non dimenticare il terremoto dell’Irpinia.
Solo un chiacchierìo di uccelli
il cielo sempre più limpido
e ancora infreddolito
sembra coprire gli ultimi sogni.
Il sole appena sveglio
si alza pian piano guardandosi intorno
per vedere se tutto è a posto
Ancora un po’ assonnato, guarda la luna
che si allontana lentamente, come a dire:
“Puoi andare, sono arrivato!”
E la luna pallida
per la lunga notte passata all’addiaccio
si allontana sempre più in fretta
per arrivare in tempo dall’altra parte.
Va via l’odore della notte.
Buongiorno, vita!
Gianna Caiazzo
1984
Amore.
Cado sotto il peso di questa parola
felice di esserne schiacciata.
Negli occhi spenti e nella mente vuota
il bisogno del tuo sorriso
che non voglio per me ma per il tuo viso
che mi scaraventa nel vuoto quando sorride.
Non soffrire mai, neanche per me
non soffrire mai da solo, neanche per me.
Accarezzo col pensiero il tuo volto, la tua rabbia
e la tristezza, che fa male quanto il tuo silenzio
Gianna Caiazzo
1985
(dedicata a Vittorio)